Peticija se upućuje na: Petitionsausschuss des Europäischen Parlaments

Il-petizzjonant jilmenta dwar l-applikazzjoni ħażina fl-Italja tad-Direttiva 2003/88/KE li tikkonċerna ċerti aspetti tal-organizzazzjoni tal-ħin tax-xogħol, b'mod partikolari fl-isptarijiet u ċ-ċentri tal-kura tas-saħħa. Din id-Direttiva tistipula, fost l-oħrajn, li jenħtieġ li l-ħin tax-xogħol ma jaqbiżx l-48 siegħa fil-ġimgħa u li perjodu ta' serħan ta' 11-il siegħa jenħtieġ li jittieħed bejn ix-xiftijiet. Il-petizzjonant jilmenta wkoll dwar il-Liġi Nru 161 tal-2014, li permezz tagħha l-Italja ttrasponiet id-Direttiva Ewropea msemmija hawn fuq fil-liġi Taljana, bl-għeluq konsegwenti tal-proċedura ta' ksur Nru 2011/4185. Il-petizzjonant jindika li nuqqas ta' serħan iżid il-possibbiltà ta' żball min-naħa tal-professjonist tal-kura tas-saħħa, b'riskji ovvji għas-servizzi ta' kura pprovduti liċ-ċittadini. Il-petizzjonant jenfasizza l-urġenza ta' azzjoni immedjata, u jitlob il-ftuħ ta' proċedura ta' ksur ġdida kontra l-Italja sabiex tiġi żgurata s-saħħa taċ-ċittadini, b'mod konformi mal-obbligi regolatorji stabbiliti fil-livell tal-UE.