Dwar kumpens għal korriment fiżiku 

Il-petizzjonant joġġezzjona għat-tabella indikattiva li sservi bħala bażi għad-determinazzjoni tal-gradi ta' korriment fiżiku fil-Belġju, inkluż f'każijiet quddiem qorti. Skont il-petizzjonant, l-iskali ta' kumpens speċifikati fit-tabella indikattiva huma 65 % għan-nisa u 35 % għall-irġiel, u dan, jekk wieħed jassumi li l-grad ta' korriment u diżabbiltà huwa l-istess, għandu l-effett li jiddiskrimina kontra l-irġiel fir-rigward tan-nisa. Hu avviċina l-Ministeru tal-Ġustizzja Federali Belġjan f'dak ir-rigward, iżda s'issa ma rċieva l-ebda risposta. Huwa qed jitlob li jittieħdu l-passi meħtieġa sabiex titneħħa din il-forma ta' diskriminazzjoni speċifika għas-sessi mit-tabella indikattiva.