Dwar il-priġunerija ta' politikant Pollakk 

Il-petizzjonant jispjega kif politikant Pollakk inżamm taħt kustodja fil-Polonja għal aktar minn sentejn fuq suspett ta' spjunaġġ, iżda mingħajr kundanna. Il-petizzjonant huwa tal-opinjoni li d-detenut kien imċaħħad mid-dritt li jiddefendi r-reputazzjoni tiegħu u li jaċċessa u jara l-evidenza, u l-attendenza tiegħu għas-smigħ tal-kawżi relatati mal-estensjoni tal-perjodu tiegħu f'kustodja, kienet limitata. F'Mejju 2018, il-qorti tal-appell tat estensjoni għad-detenzjoni tal-politikant sa Novembru 2018. Il-petizzjonant huwa tal-opinjoni li l-każ għandu motivazzjonijiet politiċi u jistieden lill-istituzzjonijiet tal-UE sabiex jirreaġixxu għall-allegat ksur tal-valuri stabbiliti fit-Trattati u l-Karta tad-Drittijiet Fundamentali.