Dwar il-liġi tal-assigurazzjoni tal-pensjoni 4387/2016 fil-Greċja u l-allegata diskriminazzjoni bejn il-pensjonanti 

Peticija je naslovljena na: Petitionsausschuss des Europäischen Parlaments

Il-petizzjonant isostni li l-Artikolu 4, paragrafu 2.b tal-Liġi 4387/2016 dwar ir-riforma tas-sistema tal-assigurazzjoni tal-pensjoni jikkostitwixxi ksur ovvju tal-prinċipji ta' ugwaljanza u proporzjonalità u l-prinċipju tal-"pro rata temporis". Huwa jallega li tali dispożizzjoni hija diskriminatorja u għalhekk tikser id-dritt tal-UE, b'mod partikolari:- L-Artikolu 157 tat-TFUE dwar l-applikazzjoni tal-prinċipju ta' paga ugwali għall-ħaddiema rġiel u nisa għal xogħol ugwali jew għal xogħol ta' valur ugwali- Id-Direttiva tal-Kunsill 76/207/KEE dwar l-implimentazzjoni tal-prinċipju ta' trattament ugwali għall-irġiel u n-nisa għal dak li għandu x'jaqsam mal-aċċess għall-impjiegi, taħriġ professjonali, promozzjoni, u kondizzjonijiet tax-xogħol.Il-petizzjonant kien assigurat mad-Dipartiment tal-Pensjonijiet għall-Inġiniera Ċivili u l-Kuntratturi tax-Xogħlijiet Pubbliċi (TSMEDE) bħala ħaddiem freelance, u rreġistra għall-irtirar wara l-pubblikazzjoni tal-Liġi 4387/2016 tat- 12.05.2016 u qabel il- 31.12.2016. Huwa jsostni li l-pensjoni tiegħu hija ferm inqas minn dik tal-kollegi tiegħu, li applikaw għall-irtirar qabel il-pubblikazzjoni tal-liġi l-ġdida, u li ħadmu taħt l-istess kundizzjonijiet, ħallsu l-istess kontribuzzjonijiet tal-pensjoni u kellhom l-istess numru ta' snin tal-pensjoni u drittijiet miksuba.