F'isem SDK Dzimtene, dwar it-tneħħija ta' armi kimiċi mill-Baħar Baltiku 

Verzoekschrift gericht aan: Petitionsausschuss des Europäischen Parlaments

Wara t-Tieni Gwerra Dinjija, fil-Baħar Baltiku ntremew mat-13 000 tunnellata ta' aġenti kimiċi. Minn dak iż-żmien 'l hawn, skont il-petizzjonant, fil-baħar hemm sustanzi tossiċi ħafna li qed jipperikolaw il-pajjiżi Baltiċi u l-ispeċijiet kollha tal-baħar. Il-petizzjonant isemmi esperti li jgħidu li, fi kwalunkwe mument, il-Baħar Baltiku jista' jinbidel f'Chernobyl ieħor. Huwa jkompli jispjega li l-metall fl-ilma baħar huwa korrużiv, u għalhekk dawn is-sustanzi kimiċi velenużi huma ta' periklu għall-ħajja tan-nies. Komposti stabbli ta' sustanzi tossiċi fil-ġisem tal-bniedem jistgħu jwasslu għal effetti aktar perikolużi mir-radjazzjoni. Ħafna nħawi tal-Baħar Baltiku huma postijiet tradizzjonalment popolari għas-sajd, u miljuni ta' tunnellati ta' ħut jaf eventwalment ikun fihom sustanzi kimiċi velenużi. Il-petizzjonant jelenka l-inkapsulament ta' dawn l-armi bħala waħda mill-alternattivi, u fl-istess ħin jemmen li dan ma jistax isir minn pajjiżi individwali; il-ħażniet ta' sustanzi kimiċi taħt l-ilma huma ta' theddida għall-pajjiżi kollha tal-Baltiku. Il-petizzjonant jemmen li t-tindif tal-ibħra Ewropej jirrikjedi l-appoġġ tal-UE kollha kemm hi. Huwa jitlob lill-UE talloka fondi urġenti għad-dekontaminazzjoni tal-Baħar Baltiku fl-ispirtu tal-Ftehim ta' Pariġi u l-prijoritajiet tal-Kummissjoni Ewropea.