La petición está dirigida a: Kummissjoni Ewropea

In-natura u l-iskop taċ-Ċittadinanza tal-Unjoni, b’mod partikolari b’rabta man-nazzjonalità. Il-ħruġ ta’ Stat Membru mill-Unjoni u l-effetti tiegħu. Id-drittijiet taċ-ċittadini ggarantiti mil-liġi tal-UE. L-Artikolu 20 tat-TFUE jgħid li: “Iċ-ċittadinanza tal-Unjoni għandha tiżdied maċ-ċittadinanza nazzjonali u ma tissostitwixxihiex.” Il-Qorti tal-Ġustizzja tal-Unjoni Ewropea affermat ukoll li: “l-istatus ta’ ċittadin tal-Unjoni huwa intiż li jkun l-istatus fundamentali taċ-ċittadini tal-Istati Membri” u li l-Artikolu 20 tat-TFUE jipprekludi miżuri nazzjonali li għandhom l-effett li jċaħħdu liċ-ċittadini tal- Unjoni mit-tgawdija effettiva tal-essenzjal tad-drittijiet mogħtija mill-istatus tagħhom bħala ċittadini tal-Unjoni. Għalhekk, fid-dawl tal-Brexit, iċ-ċittadinanza u n-nazzjonalità għandhom jiġu sseparati minn xulxin.