Petition is addressed to: Petitionsausschuss des Europäischen Parlaments

Il-petizzjonant jemmen li eluf ta' prodotti kożmetiċi u ta' kura b'ingredjenti kimiċi/sintetiċi, li jistgħu jkunu ta' ħsara għas-saħħa u/jew għall-ambjent, huma parzjalment responsabbli għad-degradazzjoni tal-ħabitats tad-dinja u għall-qerda tal-ilma, tal-arja u tal-ħamrija, li huma vitali għall-ħajja. Huwa jitlob qafas leġiżlattiv u fiskali fil-livell tal-UE li jiffavorixxi approċċ li jirrispetta l-ambjent u li sa fejn ikun possibbli jirrestrinġi jew jipprojbixxi l-użu ta' sustanzi li ġew ippruvati li huma ta' ħsara għall-ambjent. Il-projbizzjoni tal-ittestjar fuq l-annimali għall-prodotti kożmetiċi trid tiġi rispettata mingħajr eċċezzjoni u ssir effettiva mad-dinja kollha. Il-petizzjonant jappella, fost l-oħrajn, għall-introduzzjoni ta' tikketta uniformi madwar l-UE għall-kożmetiċi naturali. It-tniġġis ambjentali għandu jkollu kosegwenzi finanzjarji għolja, u r-rispett għall-ambjent għandu jiġi promoss. Il-petizzjonant jilqa' r-riżoluzzjoni tal-Parlament Ewropew ta' Mejju 2018 dwar projbizzjoni globali tal-ittestjar fuq l-annimali għal prodotti kożmetiċi. Madankollu, jenħtieġ li jingħalqu l-lakuni ġuridiċi. Il-petizzjonant jirreferi għal diversi ingredjenti ta' ħsara, inkluż il-melħ tal-aluminju, iż-żejt, il-mikroplastiċi u n-nanopartikoli.