F'isem GuraSOS (assoċjazzjoni tal-ġenituri għall-ħarsien tat-tfal mit-tniġġis), dwar in-nuqqas ta' ppjanar u konsultazzjoni pubblika fit-trattament tal-iskart fil-belt ta' San Sebastian, Guipúzcoa  

Il-petizzjonant jitlob lill-Parlament Ewropew jivverifika jekk kienx hemm nuqqas ta' ppjanar u konsultazzjoni pubblika fl-għoti ta' kuntratti ta' trattament tal-iskart għall-belt ta' San Sebastian. Il-petizzjonant isostni li l-awtoritajiet reġjonali u lokali kisru l-leġiżlazzjoni tal-UE fl-oqsma li ġejjin: l-ippjanar tal-iskart; il-parteċipazzjoni tal-pubbliku fit-teħid ta' deċiżjonijiet dwar kwistjonijiet ambjentali; il-permessi ambjentali; l-akkwist pubbliku; l-aċċess għall-ġustizzja fi kwistjonijiet ambjentali; u d-defiċit pubbliku (sostenibbiltà finanzjarja u bilanċ baġitarju).