Peticija je naslovljena na: Petitionsausschuss des Europäischen Parlaments

Il-petizzjonant, ċittadin tal-UE li li jgħix barra mill-UE, jenfasizza l-piż amministrattiv li jesperjenza biex jivvjaġġa lejn l-UE ma' martu, anke wara 14-il sena ta' żwieġ, peress li mhijiex ċittadin tal-UE. Il-petizzjonant jispjega li martu jkollha tapplika kull darba għal viża ta' Schengen, li tipprovdi biss perjodu limitat ta' soġġorn. Huwa jitlob li jiġi kkunsidrat il-ħolqien ta' viża speċjali għal perjodu twil ta' żmien għal konjuġi mhux mill-UE wara li jiġu kkompletati sentejn ta' żwieġ legali ma' ċittadin tal-UE. Tali viża speċjali għandu jkollha, skont il-petizzjonant, durata ta' 10 snin jew, jekk mhux possibbli, ta' mill-inqas 5 snin. Viża bħal din tiffaċilita l-libertà ta' moviment tal-familji taċ-ċittadini tal-UE. Il-petizzjonant jispjega wkoll li l-membri tal-persunal lokali fil-konsulati tal-UE, jew f'uffiċċji esterni tal-viża barra mill-UE, ħafna drabi ma jkunux familjari ħafna mad-drittijiet taċ-ċittadini tal-UE u jistgħu jimponu obbligi addizzjonali mhux dovuti fuq is-sieħeb/sieħba tagħhom.