F'isem l-assoċjazzjoni "Il-Federazzjoni Dinjija tat-Trejdjunjins", dwar is-sitwazzjoni diffiċli tal-ħaddiema migranti f'Foggia, l-Italja 

Il-petizzjonant jilmenta dwar is-sitwazzjoni serja li qiegħda taffettwa ħafna migranti li jaħdmu fl-għelieqi f'Rigano, qrib Foggia, Puglia, fl-Italja. Huwa jikkritika l-istat ta' negliġenza ta' dawn il-ħaddiema migranti staġjonali, li jiġu sfruttati mis-sidien tal-art u jiġu mġiegħla jaħdmu f'kundizzjonijiet inumani, mingħajr protezzjoni tal-unjoni, u f'kundizzjonijiet sanitarji u tas-saħħa gravi. Huwa jitlob titjib fil-kundizzjonijiet ta' dawn il-ħaddiema migranti, b'mod partikolari fir-rigward tal-akkomodazzjoni, l-aċċess għall-ilma, is-sanità, is-sigurtà soċjali u t-trasport.