F'isem il-Grupp tax-Xellug Magħqud tal-Cantabria, dwar irregolaritajiet possibbli fir-rigward tal-għoti ta' liċenzja għall-ipprospettar fil-minjieri ġewwa l-Cantabria (Spanja) 

Il-petizzjonant jitlob li ssir investigazzjoni dwar jekk il-gvern reġjonali tal-Cantabria mexiex f'konformità mal-leġiżlazzjoni tal-UE meta approva l-proġett tal-ipprospettar "Salia". Skont il-petizzjonant, ġew miksura d-direttivi li ġejjin: id-Direttiva 2011/92/UE dwar l-istima tal-effetti ta' ċerti proġetti pubbliċi u privati fuq l-ambjent; id-Direttiva 92/43/KEE dwar il-konservazzjoni tal-ħabitat naturali u tal-fawna u l-flora selvaġġa; id-Direttiva 2009/147/KE dwar il-konservazzjoni tal-għasafar selvaġġi.