Dwar skema piramida frawdolenti mill-kumpanija "Arte y Naturaleza S.L." simili għal dik imwettqa minn Fórum Filatélico u Afinsa fi Spanja  

Il-petizzjonanta tilmenta dwar skema piramida frawdolenti mill-kumpanija "Arte y Naturaleza Gespart S.L." li kienet vittma tagħha flimkien ma’ 19,360 persuna oħra. Il-petizzjonanta tinnota li l-modus operandi tal-kumpanija kien simili għal dak ta’ FORUM u AFINSA li nstabu ħatja mill-awtoritajiet ġudizzjarji Spanjoli. Il-petizzjonanta titlob li l-kwistjoni mqajma tiġi diskussa u possibbilment titqies b’mod konġunt ma’ każijiet simili oħra ppreżentati fir-rigward ta’ skemi piramidi. L-ewwel nett, biex jinstabu soluzzjonijiet ħalli l-konsumaturi jkunu aktar protetti minn attivitajiet qarrieqa u kriminali. It-tieni nett, biex jiġu stabbiliti l-kriterji u l-iskadenzi għal-likwidazzjoni effettiva tal-patrimonju fi proċedimenti ta’ insolvenza. Dan jevita li t-telf ta' żmien u l-ħlas ta’ tariffi dovuti minn amministraturi tal-insolvenza inaqqas jew jeżawrixxi l-possibbiltajiet ta’ rkupru ta’ investimenti magħmula minn konsumaturi bona fide li jafdaw li l-informazzjoni pprovduta mill-kumpanija qabel ma daħlet f’likwidazzjoni, kienet trasparenti u vera. Fl-aħħar nett, biex tiġi żgurata protezzjoni effettiva mill-Istituzzjonijiet sabiex tiġi evitata frodi piramida ta’ tali kobor fil-futur.