Dwar l-applikazzjoni mhux xierqa tad-Direttiva tal-Kunsill 2003/109/KE f'Malta rigward l-aċċess għall-impjieg 

Il-petizzjonant jiddikjara li Malta mhijiex qed tapplika d-Direttiva tal-Kunsill 2003/109/KE tal-25 ta' Novembru 2003 dwar l-istatus ta' ċittadini ta' pajjiżi terzi li jkunu residenti għat-tul, lanqas id-Direttiva tal-Kunsill 2003/86/KE tat-22 ta' Settembru 2003 dwar id-dritt għal riunifikazzjoni tal-familja. Skont il-petizzjonant, l-awtoritajiet Maltin ma jiggarantixxux aċċess ugwali għall-impjiegi għal residenti għat-tul, lanqas għall-membri tal-familja tagħhom, meta mqabbla mal-ħaddiema nazzjonali, billi huma meħtieġa japplikaw għal permess tax-xogħol (Liċenzja tal-Impjieg), u din il-liċenzja tiswa EUR 58 fuq bażi annwali u għal kull impjegatur involut.