Dwar is-sitwazzjoni tar-Renju Unit fejn l-elezzjonijiet għall-Parlament Ewropew allegatament ma jitwettqux b'vot universali dirett 

Il-petizzjonant jikkundanna l-fatt li r-Renju Unit qed jikser l-Artikolu 14.3 tat-TFUE, li jiddikjara li "il-membri tal-Parlament Ewropew għandhom jiġu eletti għal mandat ta' ħames snin b'vot universali dirett, liberu u sigriet." Skont il-petizzjonant, in-nuqqas ta' vot universali dirett fir-Renju Unit, kemm għall-elezzjonijiet nazzjonali kif ukoll għal dawk Ewropej, jaffettwa prinċipalment żewġ gruppi: il-missirijiet mhux miżżewġa u l-ħabsin. Il-petizzjonant jirrimarka li t-73 MEP tar-Renju Unit ma ġewx eletti b'mod legali u li għalhekk il-Parlament Ewropew ma ġiex stabbilit b'mod korrett u m'għandu l-ebda awtorità. Il-petizzjonant jissuġġerixxi li l-kwistjoni għandha titressaq quddiem il-Qorti Ewropea tal-Ġustizzja biex tkun tista' tiddeċiedi i) jekk il-Parlament Ewropew huwiex stabbilit b'mod legali u ii) jekk l-istituzzjonijiet tal-UE jistgħux jikkomunikaw ma' gvern – dak tar-Renju Unit – li l-petizzjonant iqis bħala li ma ġiex iffurmat b'mod legali.