Dwar allegat nuqqas ta' konformità tal-provvista tat-tisħin fil-Bulgarija malLiġi tal-Unjoni Ewropea  

Petícia adresovaná: Petitionsausschuss des Europäischen Parlaments

Il-petizzjonant jilmenta dwar l-allegat nuqqas ta' konformità tal-provvista tat-tisħin fil-Bulgarija mal-Liġi tal-Unjoni Ewropea. Skontu, id-Direttiva 2012/27/UE dwar l-effiċjenza fl-enerġija u d-Direttiva 2011/83/UE dwar id-drittijiet tal-konsumatur mhumiex implimentati tajjeb fil-Bulgarija. Huwa jallega li l-kumpanija tat-tisħin monopolista tuża deliberatament għall-vantaġġ tagħha algoritmi sabiex tikkalkula t-tisħin użat, u toħloq inkonvenjenza ekonomika għall-konsumaturi tal-enerġija. Il-petizzjonant isostni wkoll li l-leġiżlazzjoni nazzjonali tipprovdi għal ammont ta' flus li jrid jitħallas għal ħiters li ċ-ċittadini urew li xtaqu li ma jużawx. Barra minn hekk, huwa jallega li l-awtoritajiet nazzjonali jipprovdu għajnuna indebita mill-Istat. Il-petizzjonant jitlob li jittieħdu azzjonijiet kontra l-awtoritajiet nazzjonali bl-għan li jiġu protetti d-drittijiet taċ-ċittadini, jiġu osservati l-liġi tal-Unjoni fil-qasam tal-protezzjoni tad-drittijiet tal-konsumatur u l-obbligu tal-awtoritajiet ġudizzjarji u amministrattivi li jinfurzawha.