B'żewġ kofirmatarji dwar il-viċinanza ta' Müggelheim għall-ajruport ta' Berlin Brandenburg (BER) 

Petition richtet sich an: Petitionsausschuss des Europäischen Parlaments

Il-petizzjonanti jagħtu ħarsa ġenerali ħafifa lejn il-proċess tal-għażla tal-post u tal-ippjanar tal-ajruport BER sa mill-bidu tas-snin 90. Minħabba l-frekwenza tat-titjiriet matul il-ġurnata u sa ċertu punt, tal-inqas fil-każ ta' ajruplani tal-posta u tal-gvern, anki billejl, huma jsostnu li l-ajruport ta' Berlin Brandenburg (BER), li qed jinbena bħalissa, se jkun ta' ħsara għall-ambjent u għas-saħħa pubblika, b'mod partikolari f'Müggelheim li tinsab fil-qrib. Fil-fehma tagħhom, huwa inaċċettabbli li ż-żoni ta' konservazzjoni tan-natura u ta' protezzjoni tal-ilma tax-xorb madwar Müggelheim qegħdin jiġu injorati. L-ajruport lanqas ma jissodisfa l-għan ta' ajruport li jopera 24 siegħa kuljum għar-reġjun, li joffri lok għall-iżvilupp. Minflok, se jkun ajruport shuttle għall-hubs li jeżistu fl-Ewropa. Fl-aħħar nett, il-petizzjonanti joġġezzjonaw għar-runway tat-Tramuntana tal-ajruport BER u jirrakkomandaw li din tingħalaq minnufih; huma jixtiequ li l-ajruport ta' Tegel jinżamm miftuħ sakemm ikun jista' jopera ajruport hub ewlieni proporzjonat għall-ħtiġijiet ta' belt kapitali.