Η αναφορά απευθύνεται σε: Petitionsausschuss des Europäischen Parlaments

Il-petizzjonant huwa tal-fehma li l-prattika attwali li tipprovdi lill-vjaġġaturi, li jsibu l-vjaġġi tagħhom ikkanċellati minħabba l-COVID-19, b'vawċer, li jippermettilhom jerġgħu jużaw il-valur tal-prenotazzjoni inizjali tagħhom fi żmien 18-il xahar, qed tikser id-dritt tal-Unjoni. Huwa jemmen li din il-prattika, li tobbliga lill-klijent jibbukkja mal-istess organizzatur, hija dubjuża, peress li din il-kumpanija tista' tfalli, jew bi skop, l-organizzatur jista' ma joffrix prezzijiet kompetittivi. Il-klijent jitlef l-għażla libera tiegħu ta' fornitur ta' servizz. Il-klijent jista' biss jieħu lura l-flus tiegħu wara li jkunu għaddew 18-il xahar. Il-petizzjonant jemmen li soluzzjoni aktar xierqa tkun li l-klijent, wara li jirtira perċentwal tal-ispejjeż ta' 10 fil-mija għall-ispejjeż amministrattivi tal-organizzatur, għandu jirċievi flusu lura. Il-petizzjonant huwa wkoll tal-fehma li f'dawn iċ-ċirkostanzi mhijiex ir-responsabbiltà tal-klijenti li jiffinanzjaw kumpaniji tal-ivvjaġġar, iżda pjuttost ir-responsabbiltà tal-Istati Membri.