F'isem "It-tobba Spanjoli u l-istudenti mediċi mill-Polonja", dwar in-nuqqas ta' rikonoxximent, min-naħa tal-awtoritajiet Spanjoli, tal-kwalifiki mediċi Pollakki skont id-Direttiva 2005/36/KE  

Il-petizzjonant jilmenta li, minkejja l-Pjan ta' Bolonja, li huwa maħsub biex jiżgura edukazzjoni u taħriġ ugwali u komparabbli f'kull Stat Membru tal-UE, l-applikazzjonijiet kollha għar-rikonoxximent tal-kwalifiki mediċi miksuba minn ċittadini Spanjoli fil-Polonja qed jiġu rrifjutati b'mod sistematiku mill-Ministeru għas-Saħħa Spanjol. Skont il-petizzjonant, dan jista' jiġi attribwit għar-rekwiżiti addizzjonali stipulati mill-awtoritajiet Spanjoli oltre l-istandards minimi previsti skont id-Direttiva 2005/36/KE. Dawn ir-rekwiżiti addizzjonali huma stabbiliti fid-Deċiżjoni Delegata tal-Kummissjoni (UE) 2019/608 tas-16 ta' Jannar 2019, li tesiġi li t-tobba kollha li jkunu jixtiequ jipprattikaw fil-Polonja jgħaddu mill-eżami nazzjonali "LEK" u jwettqu b'suċċess internship postuniversitarju "staz podyplomowy", minbarra li jiksbu l-kwalifiki mediċi tagħhom. Il-petizzjonant jitlob lill-UE tispjega lill-Ministeri għas-Saħħa u għall-Edukazzjoni Spanjoli kif id-Direttiva 2005/36/KE għandha tiġi implimentata mill-Istati Membri kollha tal-UE. Huwa jitlob ukoll ir-rikonoxximent awtomatiku tal-kwalifiki mingħajr dewmien twil u ostakoli burokratiċi.