Dwar it-traspożizzjoni mill-Bulgarija tad-Direttiva 2004/38/KE, dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri 

Il-petizzjonant jgħid li d-Direttiva 2004/38/UE ma ġietx ittrasposta b'mod korrett fil-Bulgarija. Il-petizzjonant jagħmel referenza għall-Artikolu 10 tad-Direttiva 2004/38/KE li jitlob preżentazzjoni ta' dokument li jiċċertifika l-eżistenza ta' relazzjoni ta' familja jew ta' unjoni reġistrata sabiex tinkiseb karta ta' residenza fl-Istat Membru tal-UE. Skont il-petizzjonant, id-Direttorat Bulgaru tal-Migrazzjoni jitlob dokument speċifiku bħala prova ta' "unjoni stabbli" li jiverifika ż-żwieġ jew il-koabitazzjoni ċċertifikati minn siġill uffiċjali ta' Stat Membru ieħor tal-UE. Fl-opinjoni tal-petizzjonant, dan jikkostitwixxi implimentazzjoni mhux xierqa tad-dritt tal-Unjoni.