Dwar ir-responsabbiltà tal-UE fil-proċedimenti tal-asil u l-ħolqien ta' rifuġji Ewropej 

Petition addressed to: Petitionsausschuss des Europäischen Parlaments

Fil-fehma tal-petizzjonant, billi l-Istat Membru tal-ewwel wasla huwa responsabbli mill-ipproċessar tal-applikazzjonijiet għall-asil, il-Ftehim ta' Dublin ħoloq problemi serji fil-prattika, pereżempju fil-gżejjer Griegi 'l barra mill-kosta tat-Turkija. Huwa qed jitlob li l-bażi ġuridika tiġi emendata u li l-UE nfisha, pjuttost milli l-Istati Membri, issir responsabbli mill-ipproċessar tal-applikazzjonijiet għall-asil. Waħda mill-proposti prattiċi li jressaq il-petizzjonant hija l-akkomodazzjoni tal-applikanti għall-asil f'faċilitajiet immexxija mill-UE, bħal "rifuġji Ewropej", jew fuq bastimenti li jtajru l-bandiera tal-UE u ffinanzjati mill-baġit tal-UE. L-applikanti għall-asil għandhom ikunu liberi li jiċċaqilqu bejn ir-rifuġji Ewropej u jingħataw dokumenti temporanji għal dak il-għan. Huwa jissuġġerixxi li tinħoloq app għall-apparati mobbli li turi s-sodod disponibbli f'kull rifuġju Ewropew, u li l-persuni li jingħataw post f'dawn ir-"rifuġji Ewropej" xorta jkunu jistgħu jiġu deportati.