Dwar id-diskriminazzjoni fir-rigward tar-regolamenti tal-Aġenzija tas-Sikurezza tal-Avjazzjoni tal-Unjoni Ewropea (EASA) dwar il-vista tal-kulur 

Petition richtet sich an: Petitionsausschuss des Europäischen Parlaments

Il-petizzjonant jiġbed l-attenzjoni għad-differenzi bejn ir-regolamenti mediċi tal-klassi 1 tal-EASA u regolamenti internazzjonali oħra dwar ir-rekwiżiti tal-vista tal-kulur. Huwa jargumenta li r-regolamenti inkwistjoni dwar il-kapaċità li ajruplan jiġi misjuq b'mod sikur huma diskriminatorji. F'pajjiżi oħra bħal New Zealand u l-Istati Uniti, il-bdoti jridu jgħaddu minn test mediku u jkunu kapaċi jipperċepixxu dawk il-kuluri meħtieġa biex isuqu ajruplan b'mod sikur. Jekk jissodisfaw dawk ir-rekwiżiti, dawn ikunu intitolati għal ċertifikat mediku tal-klassi 1 mingħajr restrizzjonijiet. Il-petizzjonant jindika li testijiet ta' dan it-tip, li huma mmexxija wkoll mill-awtorità Awstraljana (CASA) huma ta' natura aktar prattika minn dawk meħtieġa skont ir-regoli tal-EASA u jargumenta li għandhom jiġu implimentati fl-UE peress li dan ma jikkompromettix is-sikurezza tal-passiġġieri. Huwa joġġezzjona għar-regolamenti attwali tal-EASA minħabba li jiddiskriminaw kontra ċ-ċittadini tal-UE li qed ifittxu li jsiru bdoti fl-UE, għall-kuntrarju ta' dawk l-applikanti minn pajjiżi terzi. Il-petizzjonant jemmen li standards komuni tal-vista tal-kulur madwar id-dinja jfissru uniformità akbar u inqas diskriminazzjoni.