B'34 000 firma, dwar il-protezzjoni u ż-żamma tal-lingwa tas-Sorbi fir-reġjun Lausitz (l-Istat Brandenburg) 

Verzoekschrift gericht aan: Petitionsausschuss des Europäischen Parlaments

Il-petizzjonanta tikkontesta l-pjanijiet mill-Gvern tal-Istat Brandenburg għal tibdil fil-kurrikulu fl-iskejjel tal-gvern, li jipperikola serjament l-użu tal-lingwa tas-Sorbi / Wendi tan-Naħa t'Isfel bħala lingwa tat-tagħlim. Hija tiddikjara li l-lingwa tas-Sorbi / Wendi tan-Naħa t'Isfel hija waħda mil-lingwi li għandha l-akbar riskju li tgħib fl-Ewropa. Il-petizzjonanta qiegħda tfittex appoġġ biex jiġi stabbilit jekk il-pjanijiet tal-Gvern tal-Istat Brandenburg humiex konformi mal-Karta tad-Drittijiet Fundamentali tal-Unjoni Ewropea u mal-projbizzjoni tad-diskriminazzjoni. Hija ssostni wkoll li meta l-attivitajiet ta' minjieri tal-linjite jiġu eliminati gradwalment m'hemm l-ebda pjan vijabbli għall-futur tar-reġjun Lausitz, bir-riżultat li l-prospetti ta' impjieg għaż-żgħażagħ ikunu limitati, u b'hekk ikun diffiċli għalihom biex jikkontribwixxu b'mod attiv għaż-żamma u l-preservazzjoni tal-lingwa u l-identità tas-Sorbi.