Petícia je adresovaná: Kummissjoni Ewropea

Sett ta’ miżuri ta’ inċentivi, inklużi miżuri ta’ appoġġ u ta’ monitoraġġ, biex tiġi żviluppata edukazzjoni dwar iċ-ċittadinanza fil-kurrikuli fil-livelli kollha tal-edukazzjoni formali fl-Ewropa kollha, bil-għan li jissawru ċittadini demokratiċi. Soċjetà demokratika tistrieħ fuq il-parteċipazzjoni taċ-ċittadini, il-valuri kondiviżi u l-ħila tal-ħsieb kritiku. Il-Kummissjoni għandha tappoġġa lill-Istati Membri fir-responsabbiltà tagħhom sabiex jagħtu liż-żgħażagħ, ikun xi jkun l-isfond soċjali tagħhom, il-possibbiltà li jiżviluppaw kompetenzi biex jipparteċipaw b’mod responsabbli fis-soċjetà. Sabiex tiġi promossa l-koeżjoni, l-azzjoni għandha tkun ikkoordinata madwar l-Unjoni kollha, billi tiġi stabbilita aġenda fit-tul, jinħolqu punti ta’ riferiment, jiġi pprovdut appoġġ lill-Istati, isiru evalwazzjonijiet perjodiċi u jiġu kondiviżi l-aħjar prattiki.