F'isem is-Soċjetà Latvjana tal-Grupp ta' Appoġġ liċ-Ċittadini Anzjani tal-Irlanda, dwar pensjonanti Latvjani li jirrisjedu fl-Irlanda 

Il-petizzjonant isostni li l-pensjonanti Latvjani li jgħixu fl-Irlanda jbatu minn piż sproporzjonat peress li, skont il-leġiżlazzjoni fis-seħħ, il-persuni b'residenza permanenti barra mil-Latvja għandhom iressqu talba għall-ħlas kontinwu tal-pensjoni tagħhom, akkumpanjata minn dokument li jiċċertifika li l-pensjonant huwa ħaj.Fil-fehma tal-petizzjonant, dan il-piż amministrattiv, li huwa pjuttost għali, qed jikser il-prinċipju tal-ugwaljanza kif imsemmi fl-Artikolu 20 tal-Karta tad-Drittijiet Fundamentali. Il-petizzjonant isostni li l-ispiża għal ċertifikat notarili tvarja bejn EUR 100 u EUR 250 fis-sena, u, fil-livell tal-Ambaxxata Latvjana, it-tariffa biex jinkiseb iċ-ċertifikat tiswa EUR 80. Dan huwa sproporzjonat meta mqabbel mal-ammont tal-pensjoni Latvjana eventwalment involuta. Barra minn hekk, il-pensjonanti jistgħu jġarrbu spejjeż tal-ivvjaġġar biex jilħqu l-Ambaxxata, jew saħansitra telf ta' introjtu jekk ikunu għadhom qed jaħdmu (fl-Irlanda).Il-petizzjonant jiddubita l-ħtieġa għal tali obbligu, peress li l-awtoritajiet jistgħu jikkonsultaw bażijiet tad-data tal-UE konnessi ma' xulxin.