Dwar l-implimentazzjoni mhux mitmuma tad-Direttiva 93/13/KEE mir-Renju tan-Netherlands u r-Renju ta' Spanja 

Il-petizzjonant isostni li sart diskriminazzjoni kontrih (b'mod indirett) mir-Renju tan-Netherlands, mill-Kmamar tan-Nutara, mill-Kunsill u mill-Qorti tad-Dixxiplina b'mod li dawn ma ttrasponewx u ma applikawx id-Direttiva tal-Kunsill 93/13/KEE dwar klawżoli inġusti f'kuntratti mal-konsumatur jew ma japplikawx id-dritt tal-Unjoni b'mod sħiħ jew korrett. Fi preżentazzjoni identika, il-petizzjonant jiddikjara li huwa, għall-istess raġunijiet, iħoss li saret diskriminazzjoni kontrih mir-Renju ta' Spanja, mill-Kmamar tan-Nutara, mill-Kunsill u mill-Qorti tad-Dixxiplina. Madankollu, il-petizzjonant, fl-ebda waħda miż-żewġ preżentazzjonijiet, ma jagħti indikazzjoni tal-każijiet konkreti ta' diskriminazzjoni li jikkonċernawh, jew tar-raġunijiet għaliex iqis li huwa ttrattat b'mod differenti minn oħrajn f'sitwazzjoni simili. Fiż-żewġ preżentazzjonijiet tiegħu, huwa jirreferi għal, fil-fehma tiegħu, liġijiet u regolamenti nazzjonali, internazzjonali u Ewropej rilevanti.Il-petizzjonant jitlob lill-Parlament Ewropew biex jiżgura li d-Direttiva 93/13/KEE tiġi implimentata u applikata bis-sħiħ kemm mill-awtoritajiet Netherlandiżi kif ukoll dawk Spanjoli, bil-possibbiltà li l-atti legali u l-konsegwenzi legali korrispondenti li kisru d-dritt tal-Unjoni jiġu riveduti.