Dwar l-eks-impjegati tal-programmi ta' taħriġ vokazzjonali Sqallin li tħallew mingħajr impjieg 

Il-petizzjonant jilmenta dwar is-sitwazzjoni tal-eks-impjegati tar-Reġjun ta' Sqallija li jaħdmu fis-settur ta' taħriġ vokazzjonali li tħallew mingħajr impjieg. Il-petizzjonant jilmenta dwar ġestjoni amministrattiva u finanzjarja ħażina tal-programmi ta' taħriġ vokazzjonali Sqallin, li wasslet għat-tkeċċija tal-ħaddiema msemmija hawn fuq. Dawn tkeċċew u ma setgħux jirkupraw il-pagi u s-salarji akkumulati tagħhom li, skont il-liġi, ir-Reġjun ta' Sqallija, benefiċjarju tal-fondi tal-Komunità mill-Fond Soċjali Ewropew, kien obbligat li jħallas. Il-petizzjonant jitlob lill-Parlament Ewropew biex jieħu l-passi sabiex isib soluzzjoni sodisfaċenti għall-impjegati tal-istituzzjonijiet ta' taħriġ vokazzjonali Sqallin.