Dwar azzjoni mill-UE biex tiġi promossa l-konverżjoni ta' barrieri preċedenti f'ġibjuni 

Petition addressed to: Petitionsausschuss des Europäischen Parlaments

Il-petizzjonant jitlob għal azzjoni konkreta tal-UE biex din tippromwovi proġetti teknoloġiċi u industrijali biex il-barrieri li ma għadhomx jintużaw jiġu konvertiti f'ġibjuni. Dawn ikunu jistgħu jżommu l-ilma f'riserva biex jegħlbu n-nuqqas ta' ilma li dejjem qed jiżdied u li qed iseħħ f'żoni dejjem akbar, minħabba t-tibdil fil-klima u minħabba l-astrazzjoni għal skopijiet industrijali u ċivili multipli. F'dan ir-rigward, huwa jsemmi bħala eżempju ċerti pjanijiet nazzjonali ta' konverżjoni ta' barrieri preċedenti f'ġibjuni għall-ilma tax-xita jew l-ilma tal-għargħar mix-xmajjar, ilma li mbagħad jista' jintuża matul il-perjodi ta' nixfa; dan jeħtieġ issiġillar mill-ilma tal-barrieri preċedenti. Għal dan il-għan, huwa jipproponi azzjoni regolatorja fil-livell Ewropew, strateġiji, miżuri ta' implimentazzjoni u inċentivi finanzjarji għal proġetti ta' studju li jinvolvu s-setturi pubbliċi u privati; huwa jenfasizza kemm l-ispejjeż tal-preparazzjoni kif ukoll tal-manutenzjoni tal-ġibjuni u l-benefiċċji f'termini ta' impjieg. Huwa jappella wkoll għall-involviment taċ-Ċentru Konġunt għar-Riċerka u investigazzjoni dwar l-aħħar żviluppi fir-rigward ta' dan it-tip ta' konverżjoni ta' barrieri li ma għadhomx jintużaw madwar l-UE.