Imressqa minn P.T., ta' ċittadinanza Ġermaniża dwar karta tad-diżabilità valida fl-UE kollha 

Il-petizzjonant jippromwovi konċessjonijiet fl-UE kollha għall-persuni b'diżabilità simili għal dak li jingħata fil-Ġermanja għaċ-ċittadini Ġermaniżi li tkun inħarġitilhom karta ta' diżabilità severa. Huwa jippreżenta tliet opzjonijiet: jew karta ta' diżabilità severa li tkun valida fil-pajjiżi kollha tal-UE irrispettivament minn fejn tkun inħarġet; jew, inkella, tista' tiġi introdotta karta ta' diżabilità severa standard simili għall-karta Ġermaniża, għalkemm kull Stat Membru jkun jista' jistabbilixxi l-kriterji propji; jew tista' tiġi introdotta karta ta' diżabilità severa standard valida fl-UE kollha.