F'isem l-Associazione Giovani Diabete di Bologna (AGD - Assoċjazzjoni ta' Bolonja taż-Żgħażagħ Dijabetiċi), dwar il-ħtieġa ta' gwida u ta' protokolli uniformi għat-trattament tad-dijabete tat-tip-1 

Il-petizzjonant jitlob li jiġu introdotti u osservati protokolli uniformi b'rabta mad-dijanjożi u t-trattament tad-dijabete tat-tip-1 fil-livell tal-UE, kif ukoll f'dak nazzjonali u reġjonali. Uħud mill-miżuri ssuġġeriti mill-petizzjonant huma: parametri ipoglikimiċi bħala parti mir-rekord tas-saħħa personali ta' individwu, mappa tal-punti ta' assistenza ta' emerġenza pedjatrika, il-glukożju fid-demm bħala parti mill-protokoll tas-saħħa, linji gwida dwar detezzjoni bikrija, kampanji ta' informazzjoni u edukazzjoni, speċjalizzazzjoni ta' persunal mediku u paramediku.