F'isem il-Kunsill tal-Belt ta' Brunico, dwar ħsara possibbli lis-saħħa mit-teknoloġija l-ġdida tal-komunikazzjonijiet mobbli 5G 

Petition addressed to: Petitionsausschuss des Europäischen Parlaments

Fid-19 ta' Frar 2020, il-Kunsill tal-Belt ta' Brunico (il-Provinċja ta' Bolzano-Alto Adige) adotta riżoluzzjoni li tixħet dubju fuq il-kompatibilità tat-teknoloġija 5G għall-komunikazzjonijiet mobbli mas-saħħa pubblika, fin-nuqqas ta' evidenza xjentifika dwar l-impatt tagħha fuq il-persuni, l-annimali u n-natura. F'dan ir-rigward, il-petizzjonant jevoka l-Artikolu 191 tat-TFUE, b'mod partikolari l-prinċipju ta' prekawzjoni u l-prinċipju ta' azzjoni preventiva. Peress li l-kunsill tal-belt m'għandu l-ebda mod biex jimmonitorja l-effetti fuq gruppi ta' persuni sensittivi (tfal, żgħażagħ, anzjani jew persuni b'mard kroniku) li jirriżultaw miż-żieda fl-esponiment għal mewġ elettromanjetiku, huwa jitlob li tiġi adottata leġiżlazzjoni fil-livell Ewropew biex jiġu stabbiliti żoni sensittivi, sabiex jitnaqqsu l-valuri limiti eżistenti jew biex jiġu introdotti projbizzjonijiet fuq l-installazzjoni ta' arbli tal-komunikazzjonijiet elettroniċi u l-użu ta' teknoloġija ta' trażmissjoni oħra simili. Il-kunsill tal-belt jitlob ukoll li jiġu ffinanzjati studji dwar is-saħħa ad hoc, li għandhom jitwettqu minn korpi indipendenti.