F'isem il-Grupp tal-Kampanja għall-A14 ta' Brampton (BCG), dwar ksur tal-prinċipji ta' żvilupp sostenibbli tan-NU/tal-UE u tal-leġiżlazzjoni tal-UE dwar l-ambjent, is-saħħa u t-trasport fil-Bini tat-Triq A14 - ir-Renju Unit  

Petition addressed to: Petitionsausschuss des Europäischen Parlaments

Il-petizzjonant qed jitlob l-għajnuna tal-UE biex twaqqaf il-bini tat-triq il-ġdida mhux konformi ta' Highways England (minn Felixstowe sa Nuneaton), u tiżgura li l-iskema tal-BCG konformi alternattiva tiġi vvalutata, peress li l-proġett attwali jirriskja li jiġġenera problemi sejri tat-tniġġis tal-arja. Il-petizzjonant jenfasizza li l-pjanijiet tal-infrastruttura jenħtieġ li jikkonformaw mal-politiki u l-liġijiet ambjentali tan-NU/l-UE/ir-Renju Unit u mal-prinċipji ta' żvilupp sostenibbli sabiex jiġu protetti l-persuni, il-ħajja selvaġġa u l-ambjent. Il-BCG qed jitlob lill-Parlament sabiex ifakkar lir-Renju Unit li l-valutazzjoni tal-iskema mutimodali tal-BCG jenħtieġ li tinkludi Valutazzjoni tal-Impatt Ambjentali (VIA) aġġornata mwettqa skont il-linji gwida tal-UE. Il-petizzjonant jissuġġerixxi wkoll miżuri konkreti bħall-provvista ta' żoni obbligatorji għall-protezzjoni tas-saħħa.