Dwar laissez-passer maħruġ mill-ambaxxata Pollakka fl-Italja u projbizzjoni fuq it-tluq mill-pajjiż tat-tfal tiegħu (minuri) 

Petition addressed to: Petitionsausschuss des Europäischen Parlaments

Il-petizzjonant jikkritika l-imġiba tal-ambaxxata Pollakka fl-Italja, li ħarġet laissez-passer għat-tfal li kienu minuri minkejja li hemm projbizzjoni fuq it-tluq tagħhom mill-pajjiż. Wara tilwim mal-mara Pollakka tiegħu, il-petizzjonant irtira l-permess tiegħu biex iż-żewġt itfal tagħhom (minuri) jinħarġu mill-pajjiż. L-awtoritajiet tal-pulizija bil-ġurisdizzjoni fir-reġjun imbagħad ħarġu ordni biex jiġu kkonsenjati l-passaporti tat-tfal. Minkejja l-projbizzjoni fuq il-ħruġ mill-pajjiż tal-minuri, li ġiet innotifikata kif mistħoqq, il-mara tal-petizzjonant żaret l-ambaxxata Pollakka f'Ruma u nħarġitilha viża ta' ħruġ temporanja. Il-petizzjonant għalhekk jitlob lill-Parlament Ewropew biex jintervjeni.