Dwar l-implimentazzjoni tad-Direttiva 2005/36/KE dwar ir-rikonoxximent ta' kwalifiki professjonali 

Il-petizzjonant, stabbilit fl-Awstrija bħala kirurgu ortopediku u tat-trawma, qed jippjana li jirriloka fil-Ġermanja u għaldaqstant talab l-assoċjazzjoni medika reġjonali rilevanti biex tirrikonoxxi s-sotto-speċjalizzazzjonijiet tiegħu. L-applikazzjoni tiegħu ġiet miċħuda minħabba li dawn mhumiex kwalifiki professjonali skont it-tifsira tad-Direttiva 2005/36/KE iżda nkisbu permezz ta' taħriġ ulterjuri. Skont il-petizzjonant, dan it-taħriġ speċjalizzat mhuwiex meħtieġ għall-aċċess għall-professjoni iżda, f'ċerti każijiet, għal finijiet ta' assigurazzjoni. Huwa għalhekk qed jitlob kjarifika dwar jekk id-Direttiva 2005/36/KE dwar ir-rikonoxximent ta' kwalifiki professjonali tinkludix jew għandhiex tinkludi taħriġ speċjalizzat meħtieġ għal finijiet ta' assigurazzjoni.