Dwar l-aċċess ineffettiv għall-ġustizzja fl-UE 

Il-petizzjonant jiddeplora l-fatt li m'hemm l-ebda garanzija ta' rimedju jew li l-Istati Membri jinżammu responsabbli f'każijiet ta' ksur tad-dritt tal-Unjoni, għad-detriment tal-parti li tkun ġiet affettwata b'mod ħażin minn tali ksur. Fil-fehma tiegħu, dan iwassal biex fl-aħħar mill-aħħar id-dritt tal-Unjoni ma jkunx effettiv biex jipprovdi ġustizzja ġenwina għal kulħadd, u b'mod partikolari għal dawk li m'għandhomx ir-riżorsi finanzjarji biex iressqu lment mal-qrati nazzjonali. F'dan ir-rigward, il-petizzjonant jiddeplora wkoll li fost l-Istati Membri m'hemm l-ebda koeżjoni jew allinjament f'dak li għandu x'jaqsam mal-għajnuna legali.