Dwar kummissjoni ta' inkjesta bil-għan li jitnaqqsu d-differenzi soċjali u ekonomiċi bejn l-Istati Membri 

Petition addressed to: Petitionsausschuss des Europäischen Parlaments

Il-petizzjonant jagħmel dijanjosi fir-rigward tal-istaġnar tat-triq komuni tal-UE, ibbażata fuq prinċipju ta' reċiproċità u li nbeda fl-1957 mis-sitt pajjiżi fundaturi; huwa jargumenta li dan issa jidher li wasal f'sitwazzjoni ta' staġnar, li rriżulta fit-"trażżin ta' sens ta' identità Ewropea li għadha qed titwieled". Għalhekk, sabiex il-proġett Ewropew jerġa' jkun kredibbli, huwa jitlob "li jerġa' jiġi stabbilit il-prinċipju ta' reċiproċità u ta' solidarjetà konkreta fost iċ-ċittadini tal-Unjoni. Mingħajr dan l-ispirtu ta' kondiviżjoni u qsim tar-responsabbiltajiet bejn l-Istati Membri, nistgħu nistennew mewġa inkontrollabbli ta' populiżmu apparti kriżi ekonomika sistemika. Huwa jistieden lill-President tal-Kummissjoni Ewropea biex tistabbilixxi "kummissjoni li tħares lejn in-natura tal-problemi u l-iżbilanċi, li twieġeb għat-tħassib taċ-ċittadini, u li tipproponi miżuri korrettivi sabiex jintlaħaq wieħed mill-għanijiet tal-UE: sabiex jitnaqqsu d-differenzi soċjali u ekonomiċi bejn l-Istati Membri".