Dwar ksur possibbli tar-Regolament tal-Kunsill (UE) 2017/2063 tat-13 ta' Novembru 2017 dwar miżuri restrittivi fid-dawl tas-sitwazzjoni fil-Venezwela  

Il-petizzjonant jitlob li titnieda investigazzjoni fir-rigward tal-possibilità ta' nuqqas ta' konformità min-naħa ta' Spanja mar-Regolament tal-Kunsill (UE) 2017/2063 tat-13 ta' Novembru 2017 dwar miżuri restrittivi fid-dawl tas-sitwazzjoni fil-Venezwela, wara l-preżenza inammissibbli tas-Sinjura Delcy Rodriguez fl-Ajruport Internazzjonali ta' Adolfo Suarez de Barajas, li ġiet issanzjonata mill-Unjoni Ewropea talli kisret b'mod serju d-drittijiet tal-bniedem u l-libertajiet fundamentali fil-Venezwela. Il-petizzjonant iħeġġeġ biex Spanja tintalab tagħti spjegazzjoni u biex jittieħdu miżuri bil-għan li tiġi evitata kwalunkwe rikorrenza ta' tali sitwazzjoni.