Dwar is-sorveljanza bil-vidjo ta' spazji pubbliċi 

Il-petizzjonant jipprotesta kontra d-deċiżjoni tal-amministrazzjoni tal-kondominju fejn jgħix biex tiġi installata sorveljanza kontinwa bil-vidjo fid-dħul tal-bini. Huwa jsostni li dan imur kontra r-Regolament Ġenerali dwar il-Protezzjoni tad-Data (GDPR), peress li huwa u l-mistiedna potenzjali tiegħu ma jagħtux il-kunsens tagħhom biex jiġu ffilmjati u biex id-data tagħhom tiġi pproċessata. Il-petizzjonant jistieden lill-UE tipprovdi gwida dwar l-applikazzjoni tal-GDPR f'dan ir-rigward, jew inkella jinħoloq ir-riskju li ma jkunx hemm applikazzjoni omoġenja tar-regoli dwar il-privatezza fid-diversi Stati Membri.