Dwar il-projbizzjoni tat-trobbija għall-fer fl-Ewropa u tal-importazzjonijiet tal-fer minn pajjiżi terzi  

Il-petizzjonanta titlob lill-Parlament Ewropew biex jipprojbixxi t-trobbija għall-fer kollha fl-Ewropa u l-importazzjonijiet tal-fer li ġejjin minn pajjiżi terzi, prinċipalment iċ-Ċina u l-Kanada. Il-petizzjonanta tgħid li aktar minn 5 000 razzett tal-fer fl-Ewropa jrabbu għat-tnissil il-minks, il-volpijiet, iċ-ċinċilla u l-fniek f'kundizzjonijiet terribbli qabel ma joqtluhom b'mod vjolenti. Il-petizzjonanta ssostni wkoll li, minħabba l-użu ta' prodotti tossiċi, l-industrija tal-fer hija waħda mill-aktar li tniġġes fid-dinja, kemm għall-ambjent kif ukoll għall-bnedmin.