Dwar il-ħtif internazzjonali ta' minuri fil-Ġappun 

Il-petizzjonant jiddeskrivi l-problemi tiegħu, u jindika li l-mara Ġappuniża tiegħu ħatfet lill-ibnu, li huwa ta' ċittadinanza Taljana, u jsostni li l-Ġappun qed jikser il-Konvenzjoni tal-Aja tal-1980 dwar l-Aspetti Ċivili tal-Ħtif Internazzjonali ta' Minuri, li rratifika fl-2014. Huwa jirrimarka li l-leġiżlazzjoni Ġappuniża ma tipprevedi l-ebda kustodja konġunta, dritt ta' żjarat jew ta' aċċess għall-ulied għal ġenituri mhux Ġappuniżi. Għaldaqstant, huwa qed jitlob lill-Parlament Ewropew jippreżenta osservazzjonijiet lill-Ġappun, u jitolbu jagħmel dak kollu neċessarju biex jipprevjeni ksur ulterjuri tad-dritt nazzjonali u internazzjonali, b'mod partikolari l-Konvenzjoni tan-Nazzjonijiet Uniti tal-1989 dwar it-Drittijiet tat-Tfal.