Dwar allegat ksur tad-drittijiet tal-konsumatur għal vaganzi, titjiriet u avvenimenti kkanċellati matul il-kriżi tal-COVID-19 

Il-petizzjonanta hija kontra d-deċiżjoni li jiġu pprovduti vawċers lill-konsumaturi għal vaganzi, titjiriet u avvenimenti kkanċellati minħabba l-kriżi tal-coronavirus. Għalkemm il-kriżi tal-coronavirus hija ta' sfida għan-negozji, ikun żbaljat li jiġu sospiżi jew aboliti d-drittijiet tal-konsumatur li ilhom stabbiliti għal snin twal. Il-petizzjonanta hija favur proposta ppreżentata mill-organizzazzjonijiet Ġermaniżi għall-ħarsien tal-konsumatur: fond għall-industrija tal-ivvjaġġar, appoġġjat minn krediti pubbliċi, li għandu jiżgura l-likwidità għall-kumpaniji tal-ivvjaġġar u l-linji tal-ajru li jinsabu f'riskju. Hija titlob lill-Parlament jagħti appoġġ biex jiġi stabbilit fond bħal dan, bil-għan li jiġu protetti d-drittijiet tal-konsumaturi. Fl-aħħar nett, hija titlob li tingħata għajnuna lin-negozji tal-kultura li jeħtieġu b'mod urġenti appoġġ finanzjarju.