Petición dirigida a: Petitionsausschuss des Europäischen Parlaments

Fl-opinjoni tal-petizzjonant, fil-pajjiżi Ewropej qed jitfaċċaw territorji perikolużi fejn l-aċċess mhuwiex rakkomandat (hekk imsejħa "no-go"), u li fuqhom l-Istati Membri m'għandhom l-ebda kontroll (bħal ġbir ta' taxxi, servizzi sanitarji, qrati, pulizija, armata). Fl-hekk imsejħa territorji "no-go" tal-Istati Membri, m'hemm l-ebda kontroll fuq l-akkumulazzjoni ta' armi ta' kull tip, drogi, prostituzzjoni, pedofilija, u attivitajiet oħra, li huma ksur fundamentali tal-UE u tal-liġi nazzjonali. Dawn jikkostitwixxu ksur fundamentali tas-sovranità tal-Istati Membri u tal-UE kollha kemm hi. Fil-fehma tiegħu, dan l-iżvilupp jirrappreżenta theddida kbira għan-NATO mil-lat ta' sigurtà u huwa attakk fundamentali fuq iċ-ċittadini tal-UE, u qed jikkawża diskriminazzjoni jew trattament differenti fil-konfront tan-nies li jgħixu fl-UE. Il-petizzjonant jitlob li tiġi stabbilita minnufih sovranità fuq l-hekk imsejħa territorji "no-go", sabiex il-leġiżlazzjoni tal-UE u tal-Istati Membri tiġi implimentata bis-sħiħ bil-mezzi kollha previsti mil-leġiżlazzjoni, inkluż f'sitwazzjonijiet ta' emerġenza.