On empowering the EU to address global challenges, from COVID-19 to social, economic and climate crisis 

Petition addressed to: Petitionsausschuss des Europäischen Parlaments

Il-petizzjonanti jitolbu lill-PE jimplimenta mekkaniżmi adegwati sabiex ikompli bil-ħidma tiegħu malajr kemm jista' jkun, u jorganizza spazju għall-elaborazzjoni tal-istrumenti possibbli kollha, peress li l-ebda stat ma jista' jiffaċċja l-COVID-19 waħdu u hemm bżonn li l-UE tieħu rwol prominenti u tistabbilixxi pjan b'azzjonijiet konkreti għal din l-isfida globali. Il-petizzjonanti huma tal-fehma li s-sistema istituzzjonali attwali tal-UE wriet id-dgħjufija tagħha u hemm bżonn li, bil-PE fuq quddiem nett, terġa' tniedi l-inizjattiva ta' riforma demokratika tal-UE sabiex issir idonea għall-fini tagħha. Il-petizzjonanti jemmnu li din ir-riforma għandha tkun tikkonsisti f'ħames pilastri. Dawn jinvolvu rispons sistemiku tal-UE għall-kriżi tal-COVID-19, b'attenzjoni għall-miżuri ta' emerġenza u r-rispett għall-istat tad-dritt; it-titjib tal-istrumenti tal-kura tas-saħħa u tal-protezzjoni ċivili tal-UE u tal-kompetenzi għar-reazzjoni għat-tifqigħat; l-implimentazzjoni tal-miżuri ta' politika ekonomika, finanzjarja u monetarja kollha li tippermetti li jitqiegħdu għad-dispożizzjoni r-riżorsi u l-miżuri tal-UE sabiex jiġu appoġġati ċ-ċittadini minħabba l-konsegwenzi tal-pandemija; il-kunċett għall-ewwel fażijiet tal-Konferenza dwar il-Futur tal-Ewropa jingħata forma ġdida u jsir assemblea pubblika online; mekkaniżmu globali għall-prevenzjoni u l-indirizzar tal-epidemiji u l-pandemiji.