F'isem il-Union of European Green Energy Manufacturers (l-Unjoni tal-Manifatturi Ewropej tal-Enerġija Ekoloġika,) dwar l-allegata traspożizzjoni ħażina tad-direttivi Ewropej dwar l-għanijiet tal-enerġija tagħha 

Il-petizzjonanta tilmenta dwar l-applikazzjoni allegatament żbaljata ta' §18 tad-dispożizzjonijiet Finali u addizzjonali fl-att Bulgaru dwar l-Enerġija. Il-petizzjonanta tindika li l-emendi leġiżlattivi introdotti mill-awtoritajiet Bulgari wasslu għal 324 servizz tal-enerġija rinnovabbli li jaħdmu fuq telf nett. Il-petizzjonanta tfakkar fl-interpretazzjoni apparentement inġusta tad-definizzjoni ta' "skema ta' appoġġ nazzjonali u Ewropea"; hemm ksur tad-Direttiva 2009/28/KE u tar-Regolament 1305/2013. Hija titlob inkjesta dwar il-prattiki ħżiena tal-Bulgarija rigward l-implimentazzjoni xierqa tal-Liġi Ewropea u l-ksur possibbli tal-Bulgarija tal-objettivi tal-enerġija tagħha li jheddu s-sostenibbiltà tal-proġetti kollha ffinanzjati mill-Fond Agrikolu Ewropew għall-Iżvilupp Rurali (FAEŻR).