F'isem il-"Plataforma por el Ferrocarril Directo Madrid-Aranda-Burgos línea 102", dwar il-ftuħ mill-ġdid tal-linja ferrovjarja Madrid-Aranda-Burgos fi Spanja 

Petition addressed to: Petitionsausschuss des Europäischen Parlaments

Il-petizzjonant jilmenta li l-linja ferrovjarja bejn Madrid, Aranda u Burgos, li nfetħet fl-1968, issa ilha tmien snin magħluqa għat-trasport tal-merkanzija. Huwa jsostni li l-ADIF, l-awtorità tal-infrastruttura ferrovjarja ta' Spanja, ma wettqitx l-istudji xierqa, u jitlob li l-linja, li tipprovdi konnessjoni essenzjali bejn ir-reġjun ta' Castile u León u Madrid, tingħata prijorità fil-livell Ewropew (jiġifieri parti mill-kuritur E-5 li jestendi mir-Renju Unit għal Algeciras). Huwa jitlob li l-linja ferrovjarja tintuża biex it-trasport tal-merkanzija bejn Algeciras u Irún jingħata spinta, peress li attwalment 3 % tas-768 miljun tunnellata ta' merkanzija li tinġarr kull sena bejn Algeciras, Madrid u Irún tiġi ttrasportata bil-ferrovija.