Petition is addressed to: Petitionsausschuss des Europäischen Parlaments

Il-petizzjonant, li jaħdem bħala bidwi fil-Polonja, jgħid li saret diskriminazzjoni kontrih mill-ġudikatura Pollakka minħabba ċ-ċittadinanza Ġermaniża tiegħu fi proċedimenti relatati ma' ksur tal-leġiżlazzjoni dwar it-trattament xieraq tal-annimali. Skont il-petizzjonant, negozji li huma proprjetà ta' ċittadini barranin tal-UE huma sproprijati taħt il-pretensjoni tal-protezzjoni tal-annimali. Il-petizzjonant jitlob li l-Parlament Ewropew jieħu azzjoni biex jeżamina l-istat tad-dritt fil-Polonja u d-diskriminazzjoni kontra ċittadini tal-UE fil-qrati Pollakki. Il-petizzjonant jiddikjara wkoll li r-regoli dwar it-trattament xieraq tal-annimali jagħmluha aktar diffiċli li wieħed jopera azjenda agrikola. Huwa għalhekk jitlob li jinstabu soluzzjonijiet biex jiġu rikonċiljati aħjar it-trattament xieraq tal-annimali u l-agrikoltura.