Dwar nuqqas ta' konformità mad-Deċiżjoni ta' Implimentazzjoni (UE 2015/893) tad-9 ta' Ġunju 2015 – tqaċċit ta' siġar infestati bis-susa Asjatika fil-belt ta' Miesbach  

Petition addressed to: Petitionsausschuss des Europäischen Parlaments

Il-petizzjonant isostni li, f'diversi parks fil-belt ta' Miesbach, hemm stokk b'saħħtu ta' siġar ħorfija fi stat tajjeb ta' saħħa li jeħtieġ jiġi ppreservat. Madankollu, skont deċiżjoni meħuda f'Novembru 2019 mill-Istitut tal-Istat Bavarjan għall-Agrikoltura (Bayrisches Landesanstalt für Landwirtschaft – LfL), parti mill-istokk trid titqaċċat, peress li ma setgħetx tiġi eliminata l-possibbiltà ta' infestazzjoni mis-susa Asjatika. Il-petizzjonant joġġezzjona għal dan b'referenza għad-Deċiżjoni ta' Implimentazzjoni (UE 2015/893) tad-9 ta' Ġunju 2015. Huwa joġġezzjona wkoll għad-deċiżjoni tal-LfL, għalkemm ma ssottometta l-ebda deċiżjoni tal-LfL f'dan ir-rigward. Huwa jsostni li t-tqaċċit imur kontra d-Deċiżjoni ta' Implimentazzjoni (UE 2015/893) tad-9 ta' Ġunju 2015 għax din hija popolazzjoni ta' siġar kulturalment u storikament ta' valur u l-Anness III jipprevedi l-possibbiltà li jsiru eċċezzjonijiet f'raġġ ta' 100 m. Huwa jitlob li għalissa l-miżuri ppjanati jitwaqqfu.