Dwar l-allegazzjoni ta' applikazzjoni ħażina tad-dritt tal-UE dwar termini inġusti f'kuntratti fil-Bulgarija  

Petition addressed to: Petitionsausschuss des Europäischen Parlaments

Il-petizzjonant jilmenta dwar in-nuqqas ta' armonizzazzjoni tal-Kodiċi tal-proċeduri Ċivili fil-Bulgarija mad-dritt tal-UE, b'mod partikolari mad-Direttiva tal-Kunsill 93/13/KEE tal-5 ta' April 1993 dwar klawżoli inġusti f'kuntratti mal-konsumatur u mal-Artikolu 47 tal-Karta tad-Drittijiet Fundamentali tal-Unjoni Ewropea. Il-petizzjonant, debitur, kellu proċedimenti legali kontrih fil-qrati u allegatament ġie mċaħħad mid-drittijiet tiegħu ta' difiża. Huwa jakkuża lil marixxalli privati li wettqu azzjonijiet ta' infurzar mingħajr ma kienu debitament awtorizzati li jagħmlu dan. L-isforzi tiegħu biex iwissi lill-istituzzjonijiet tal-istat kompetenti fil-Bulgarija u jinfurmahom dwar din il-prattika ħażina ma rnexxewx. Fl-opinjoni tal-petizzjonant m'hemm l-ebda possibbiltà legali biex wieħed jikkontesta l-atti tal-marixxalli u ma hemm l-ebda kontroll effettiv fuqhom fil-Bulgarija.