Dwar l-allegat ksur tad-drittijiet tiegħu skont id-Direttiva (UE) 2016/343 dwar it-tisħiħ ta' ċerti aspetti tal-preżunzjoni tal-innoċenza u tad-dritt li wieħed ikun preżenti waqt il-proċess fil-proċedimenti kriminali 

Il-petizzjonant jikkundanna l-ksur tal-preżunzjoni tal-innoċenza f'każ kriminali li tressaq kontrih mid-Direttorat Rumen għall-Investigazzjoni ta' Kriminalità u Terroriżmu Organizzati (DIICOT). Primarjament, huwa jsostni li l-prosekuzzjoni żvelat informazzjoni kunfidenzjali mill-fajl tiegħu lill-midja u skreditawh billi żammewh fiżikament fil-pubbliku, għall-kuntrarju tal-liġi nazzjonali u Ewropea. Huwa jsostni li d-Direttiva (UE) 2016/343 dwar it-tisħiħ ta' ċerti aspetti tal-preżunzjoni tal-innoċenza u tad-dritt li wieħed ikun preżenti waqt il-proċess fil-proċedimenti kriminali għandha effett dirett fil-każ tiegħu peress li din għadha ma ġietx trasposta fil-liġi nazzjonali u minħabba li d-dispożizzjonijiet tagħha huma bla kundizzjoni, ċari u preċiżi biżżejjed u jagħtu drittijiet lill-individwi.