Dwar l-allegat ksur tad-Direttiva dwar il-Ħabitats fl-Italja 

Il-petizzjonant jiddenunzja n-nuqqas ta' konformità min-naħa tal-Italja mad-Direttiva 92/43/KEE dwar il-Ħabitats, fir-rigward tax-xmara Amaseno, sit Natura 2000. Huwa jallega li għadd ta' avvenimenti f'dawn l-aħħar snin affettwaw sostanzjalment l-ekosistema tax-xmara, u dan wassal għall-estinzjoni ta' speċijiet protetti skont id-Direttiva dwar il-Ħabitats. Huwa jattribwixxi dan għal ksur tal-liġi tal-UE li jirriżulta minn implimentazzjoni inadegwata tal-pjan ta' ġestjoni u n-nuqqas ta' sorveljanza effettiva min-naħa tal-awtoritajiet.