Dwar it-trasferiment ta' data personali taċ-ċittadini lill-kumpaniji privati 

Petition addressed to: Petitionsausschuss des Europäischen Parlaments

Il-petizzjonanta applikat għal allowances għal min qiegħed ifittex impjieg wara li ħadet ħsieb lill-ġenituri anzjani għal diversi snin. Kienet mistiedna biex tattendi l-ewwel laqgħa mas-servizz Irlandiż għall-attivazzjoni tax-xogħol, Jobpath, li huwa implimentat minn kumpanija privata Brittanika, Seetec. Il-petizzjonanta issostni li din il-kumpanija tiġbor id-data personali minn persuni li qiegħdin ifittxu impjieg li jużaw is-servizzi tagħhom jew jirreġistraw magħhom, u minħabba l-biża' li jitnaqqsu id-drittijiet tal-protezzjoni tad-data tagħha, hi irrifjutat li tiffirma l-kuntratt ippreżentat mill-kumpanija. Madankollu hija attendiet diversi laqgħat, iżda ġiet applikata rati ta' penali u sospensjonijiet mid-Dipartiment tal-Protezzjoni Soċjali, li hi ssostni li huma illegali. Il-petizzjonanta tirreferi għal deċiżjoni tal-Qorti Superjuri, fejn iddeċidiet li l-impożizzjoni ta' rati ta' penali u sospensjonijiet saret illegalment mid-Dipartiment tal-Protezzjoni Soċjali meta parteċipant attenda l-laqgħat ta' Jobpath, kien lest li jipparteċipa fit-taħriġ iżda ma kienx lest li jiffirma kuntratt. Issostni wkoll li d-Dipartiment tal-Protezzjoni Soċjali xerred id-data personali tagħha lil potenzjalment sitt kumpaniji mingħajr il-permess jew l-għarfien tagħha. Il-petizzjonanta issostni li dan sar bi ksur tar-regoli tal-UE dwar il-protezzjoni tad-data, b'mod partikolari f'dak li jikkonċerna l-ġurisprudenza tal-QtĠ fil-każ Bara.